Сакам малку да го испромовирам и воедно да го пофалам, underground хорор списанието "Кошмар", креација на мојот драг пријател, Златко Ѓелески.
- "Кошмар" е комплетно негов проект, од А до Ш го работи сам. До сега има направено 10 броја, а во Август имаше јубилеј - 3 години од првиот број, а од скоро е актуелен најновиот, бр.10 (кавер долу на сликата).
- Концептот е задржан во сите броеви, има десетици категории - новости, филмски рецензии, подолги анализи на нови филмови и хорор класици, ексклузивни интервјуа (по две-три во секој број) со значајни имиња од светската хорор индустрија, рецензирање на хорор ТВ-серијали, рецензија на хорор книга, филмски саундтрак, тематски текстови за легендарни ликови од хорор класиците, жанрови, поджанрови, култни режисери и уште по некое изненадување, да не откривам баш се.
Севкупно, 40 ептен-квалитетно пополнети страни!- Текстовите внатре се напишани на ниво (авторот има завршено книжевност), стилот на пишување не е претенциозен, напротив е со прав фановски пристап и пред се' почит кон хоророт како жанр, дополнително зачинет со доза на црн хумот и сарказам кога треба.
За мене лично списаниево е прав бисер. Од секогаш сум имал пасија за филмски и музички магазини (Rock Express, Play, Filter, Metal Hammer....), кои за жал повеќе ги нема по трафикиве (освен прескапи странски оригинали), па ова ми дојде како кец на десетка, ми се направи кеифот. Се знам со Златко од поодамна, но за Кошмар разбрав пред некаде година дена, од тогаш ги добив и прочитав 5,6 броја и сум ПРЕзадоволен од нив. Сега чекам да припечати мал тираж од постарите броеви, да му земам и од нив, бидејќи во моментов нема.
Повеќе инфо за Кошмар на блогот:
Контакт со Златко за броеви од "Кошмар" на koshmarmk@yahoo.com
или преку фејсбук - договорете примо-предаја било каде во Скопје - face:
а сигурно праќа и по други градови по пошта.
Цената на списанието е смешна - 60 ден.
Прашајте слободно ако нешто дополнително ве интересира, што знам ќе одговорам...
п.с. ако модераторите сметаат дека треба на друго место да биде темава, префрлете ја
Кавер од последниот број:
