Почитувани,
Со големо задоволство ве покануваме на отварање на групната изложба на женски стрип - избор направен според Антологијата на женскиот стрип на Балканот / Антологија женског стрипа на Балкану, стрип албум / проект на уредничката Ирена Јукиќ Прањиќ, во издание на престижната Фибра од Загреб, 2010.
Проектот досега беше претставен, презентиран и промовиран / изложен на повеќе од 10 локации на Балканот и низ Европа; медиумски беше покриен од страна на повеќе од 50 локални, регионални и меѓународни ТВ, радио, електронски и печатени медиуми.
Со надеж дека поставката на овој проект во Скопје, Македонија ќе делува мотивирачки, инспиративно за сите автори и авторки на алтернативен и мејнстрим стрип локално, или ќе испровоцира нова генерација на женски македонски стрипарки кои ќе ја освежат сцената со искрени и изненадувачки приказни и моќен визуелен јазик - нешто што ни недостасува, и ќе крикнат со свежина на меѓународната сцена, потоа ... овој проект ви ги претставува стриповите на следниве 24 авторки, различни или слични по сензибилитет, наративни искуства, стриповски јазик, географски бекграунд ... (од сликарски до графички) ... авторки со прецизен цртеж, богат колорит, лазурен раскош ... со интимен ангажман, огорчени љубовни фрагменти и многу други визуелни пристапи:
Магда Дулчиќ Тодоровски, Хелена Клакочар Вукшиќ, Дуња Јанковиќ, Маја Веселиновиќ, Нина Буњевац, Ирена Јукиќ Прањиќ, Ивана Арманини, Мина Жабникар, Иванка Апостолова, Каја Авбершек, Љубица Хајдлер, Зринка Остовиќ, Инес Дедовиќ, Бранка Х. Нара, Ивана Гуљашевиќ Куман, Соња Гашперов, Неда Докиќ, Евелина Данева Рајнингер, Тања Комадина, Ивана Филиповиќ, Хелена Јанечиќ, Биљана Малешевиќ, Сара Дивјак и Бојана Димитровски.
Повелете и уживајте во стриповите!
Гостинка од Хрватска: Ирена Јукиќ Прањиќ - уредничка на Антологија женског стрипа, Фибра, Загреб, 2010
Куратори: Иванка Апостолова, Атанас Ботев
Организатори: Музеј на град Скопје
Донатори: Министерство за култура на Р. Македонија
19.10.2012-10.11.2012
