koa ke stigne "dotur" na cassidy,trgni mi na strana primeroci od site broevi osven od prviot

Нема проблем Бруно

Со мало задоцнување, еве ја Бункер-препораката на неделата

Мохиканац

Како би изгледало продолжението на познатиот роман Последниот Мохиканец од Џејмс Фенимор Купер? Или ако повеќе милувате продолжението на истоимениот култен филм на Мајкл Мен со Даниел Деј Луис во главната улога? Согледувајќи ги сите потенцијални ризици, луѓето од издавачката куќа Бонели сепак го прифатија овој предизвик. Задачата му беше доверена на тандемот Паоло Моралес-Роберто Дисо. Моралес е познат, пред се, по својата работа на стрикото Марти, актуелен со најновиот број на Марти Мистерија во издание на Весели четвртак - Збогом Јава, а не му е непозната и работата на филм (мислам дека има работено со великани како Копола на Кум 3 и Скорсезе). Одговорноста за цртежот ја превзема Роберто Дисо - еден од доајените на Бонели. Тој му даде личен печат на Мистер Но - омилениот стрип јунак на овие простори. По работата на сагата за популарниот пилот, работи и на Текс Вилер и серијалот Скривено Лице.

Стрипот Мохиканац припаѓа на таканаречената One shot едиција на Бонели, формат кој им дава поголема креативна слобода на самите автори, бидејќи не мораат да се придржуваат до строгиот (најчесто месечен) ритам на излегување на другите изданија. One shot изданијата, исто така, ја одбегнуваат опасноста од медиокритетските стапици, кои често ги следат бескрајните серијали.

Мохиканецот започнува со завршната сцена од филмот/романот- смртта на Кора и Ункас, за веднаш потоа да не префрли во светот на преживеаните, 20 години подоцна. Нејтан а.к.а. Око Соколово ја прифаќа мисијата, да ги спроведе пасторот Милер и неговите две придружнички, низ опасна индијанска територија до логорот на генералот Џорџ Вашингтон. И тука некаде започнува авантурата. Стрипот изобилува со прекрасни пејзажи на дивата природа на сеуште неистражениот северноамерикански континент. И овој пат стрипот го збогатуваат автентични историски личности: самиот писател Џејмс Фенимор Купер, Џорџ Вашингтон и други.




Издавач: Феникс прес * 268 страници * ц/б * пластифицирани корици * Цена 600 ден.

Има препорака и од мене, изданиево е стокмено ко шо треба, башка и причата е предизвик со оглед да е продолжение на филмот.

Прашав на фб, ај и овде, Килинг џоук уште го имате и што цена е?

Фала на одговор!

Препорака на неделата:

Редов Били

Пред околу дваесетина и кусур години (кого лажам, поверојатно е дека се триесет ), неповратно заразен со волшепството наречено стрип, почнав полека да го пробивам оклопот на мојата прва љубов- Бонели. Да се разбереме, изданијата на Бонели сеуште беа на недопирливото прво место. Па така, кога некој колега на мајка ми, ќе ми речеше да ѕирнам и нешто друго (конкретно ми го фалеа Корто Малтезе), презириво одмавнував со глава, аргументирајќи дека нема подобар стрип од Кит Телер, Капетан Мики, Блек... Сепак, полека и срамежливо, почнував да фрлам поглед и на некои други стрипови. Мојата втора љубов беше Стрипотека- стрип ревија која имаше поинаква концепција и во која беа застапени други автори, претежно од француско-белгиската стрип школа. Многу од стриповите во неа, во тоа време ми беа претешки за разбирање. Пред да се фатам во костец со нив, идејќи по линија на помал отпор, развив рутина, која ми остана до ден денес , најпрво да ги читам полесните, понекомплицирани и кратки хумористични стрипови, чиишто авантури заземаа најчесто една страница. На тој начин се запознав меѓу другите со: Хогар, Гаша, Породица Тарана, Црвенооки, Попај и- Редов Били.

Редов Били (Beetle Bailey), симпатичната смотаница која никогаш не доби унапредување, преживеа сешто во своето веќе преку 60годишно постоење. Американската војска го забрануваше и прогонуваше, уредниците го цензурираа, а групите за заштита на посебни интереси немилосрдно го напаѓаа. И додека оваа борба сеуште трае (загрижените патриоти го напаѓаат бидејќи сметаат дека ја деградира сликата за американската војска, посебно официрската фела а пацифистите не можат да смислат стрип за војник, во касарна), Били, едноставно, си остана тоа што секогаш беше- непоправлив забушант. Почна скромно во само 12 весници (во САД се сметаше за успешен еден стрип ако е објавен во најмалку 100 весници), за да стане најпознатиот војник на планетава со 150 милиони читатели во 1500 весници. Авторот на Хогар, Дик Браун, за овој стрип ќе рече дека касарната во која се случуваат настаните не е обична касарна. Тоа е микрокосмос кој го населуваат смешни лудаци, а нивниот творец на секој од нив му подарил незаборавни карактерни црти. И тоа отприлика би бил најубавиот опис на ова дело. Самото издание е беспрекорно обработено, збогатено со голем број лични ноти/забелешки од самиот автор Морт Вокер, кои му даваат и една друга димензија на овој стрип. Јас, на пример, никогаш не сум го фатил студентскиот период на Били. Ниту пак сум знаел дека на еден од главните женски ликови кума му била Мерилин Монро. Дури постои и еден единствен каиш каде можете да му ги видите очите на Били.

Резиме: стрипов, инстант ќе ве отргне од секојдневната апатија, и за миг ќе ви го донесе толку потребното добро расположение





Оваа страница е tribute to comic

Издавач: Бели пут * 239 страници * 230 х 290 мм * колор * тврд повез * цена: 1400 ден.

Ваци, да те пофалам дека многу убави ти се текстчињава уз препоракиве, па би ти предложил да си отвориш еден блог за Бункер и таму да ги постираш едно по едно, ем да си стојат архивирани на едно место, ем убави се за share по фејсбуци, мејсбуци, твитери и сл.!

Редов Били, еј... Закон.

Нема потреба од блог форумов е одлично место а воедно и архива.

Нео, Гордан, Мешков, Лаф, Раста, останатите... фала ептен за убавите зборови во врска со Бункер-препораките. Да ви кажам право мене ми прави голем ќеф да фрлам неколку збора на хартија, иако сум често у голем цајтнот, па едвај стигам да довршам се на време (стандардна приказна, цел живот ми фалат 15-20 минути ). Моментално и приватно поминувам низ некој ултратурбулентен период, па би ги оставил за сега работите такви какви што се. Инаку, препоракава ја објавуваме и на нашата фб страница, па може и од тамо да ја шерува кој сака.

Касниш со савремени текови сеа треба да твиташ за да бидеш чуен/читан итд итд, шала на страна ај среди се со време и наминувај знаеш каде знаеш кога за да се видиме.

Ваци, многу голем то посто (за Билијо) , ама го прочитав - РИСПЕКТ!
Само терај, ми се допаѓаат твоите препораки.

Da se nadovrzam za Redov Bili - odlicen tekst za avtorot Mort Voker.

http://www.thehour.com/stamford_times/n ... 3c6f6.html

Препорака на неделата:

Аутоцеста сунца (Autoroute du Soleil)

Некаде кон средината на деведесетите, најголемиот јапонски издавач Kodansha почна интензивно да се интересира за европскиот стрип. Некои автори добија понуда да работат за јапонскиот пазар. Еден од нив беше Бару. Тој сакаше да ја искористи слободата која му ја нудеше оваа прилика, за да излезе од тесните рамки на 48страничните албуми (стандард на француско-белгиската школа). Резултатот од оваа соработка беше Аутоцеста сунца - првата европска манга, која постигна голем успех во Јапонија, пред да го освои и европскиот пазар. На најголемата европска смотра на стрипови, фестивалот во Ангулем во 1996, ова издание ја доби наградата за најдобар албум на годината. Бару е првиот автор кој добил две награди за најдобар албум на овој фестивал (подоцна доби и награда за животно дело).

Автопатот на сонцето зборува за нескротливата младешка слобода. Главни протагонисти се двајца млади луѓе од 22 и 17 год. кои сплетот на несакани околности ќе ги принуди на талкање по француските патишта. Овој стрип ме потсетува на еден од моите омилени романи од фронтменот на бит генерацијата Џек Керуак- На пат (голема препорака за секој што не го читал). И додека темата на патувањето, како лајт мотив, е често застапена во филмовите и книгите, тоа не е случај со стриповите, каде главниот јунак ги поминува растојанијата во само неколку вињети . Бару ги руши тие стереотипи. Но тоа не е се. Внимателниот посматрач нема да пропушти да ја забележи деталната вивисекција на француското (и западноевропското) општество на прагот на новиот милениум: се поинтензивниот ритам на живеење, големите сексуални слободи, социјалните немири, проблемите со интеграцијата на втората генерација на емигранти, пропаѓањето на некогашните индустриски гиганти (во полза на нивните конкуренти од далечниот исток), јакнењето на десницата...

Цртежот на почеток ми беше одбивен. Подоцна не само што се навикнав, туку открив дека каков и да е реалистичен цртеж немаше да му одговара на ова дело. Специјален акцент- детаљ се прекрасно нацртаните автомобили, од уникатните олдтајмери до најновите модели на BMW. Да не должам многу, во прилог е линкот од издавачот Фибра, каде можете да ги ѕирнете првите 90 страни. Предговорот е многу интересен, доколку не ве мрзи прочитајте го и него
http://www.fibra.hr/preview/BaruPreview.pdf


Издавач: Фибра * 216 страници * 215 х 280 мм * ц/б * тврд повез * цена: 1200 ден.

Конечно пристигна новата тура од Фибра. Има понешто за сечиј вкус



Од Rat-Мan ги добивме и првите 4 броја во тврд повез. Ова издание е печатено во лимитиран тираж од 200 примероци.

шуќур.

kolku pari e ratman i daredevil ?

мореее убаини..

Од денес и Парабелум 1 и 2 во Бункер