Во вторникот (17ти мај) Здружението за промовирање на стрип културата „МАКСТРИПОВИ“ започна со
едукативни стрип часови низ основните школи.
Првиот час се одржа во „Х.Т. Карпош“, а до крај на оваа учебна година планирани се уште предавања во други основни школи.
Предавањето го држеа Здравко Гиров (стрип цртач) и Давор Драмиќанин (стрип сценарист),
а презентацијата беше насочена кон познатите македонски стрипови и стрип ликови.
Првата половина од часот беше претставување на сегашната македонска стрип сцена,
посебно на авторите кои се појавиле во стрип магазинот „Синдром“, како и последните активности на Здружението „МАКСТРИПОВИ“ и Македонскиот стрип форумот makstrip.com.mk.
Во вториот дел од часот се предаваше за основите на стрип цртањето, практичниот дел на кој Гиров ги покажа своите тајни и трикови при цртање на стрип.
Благодарение на професорот по ликовно, Илчо Симовски, ние дојдовме до правиот таргет - талентирани ученици кои сакаат стрип!
Овие едукативни стрип часови се подготовка за стрип школа, која треба да започне од септември, со стартот на учебната година.
Заинтересираноста за учениците и нивното познавање на стрип многу позитивно не' изненади, па само од првото школо има над 15 пријавени таленти.
Целата активност е со поддршка на општина Карпош, а планирано е да заврши со групна стрип изложба при крајов на годинава.
Повелете фотки (чекам да стигнат поубави фотки, извинете за (не)квалитетот):
Почетно предавање на Давор
Супер посетеност (ова беше за време на часови, а беа повикани само талентираните ученици)
Пријатно ме изненади нивното познавање на стрип (Дилан Дог беше најчитан меѓу оваа група деца)
Здравко покажува некои од своите тајни
...Bravo... 
