Долго очекуваниот легендарен рок бенд Duran Duran конечно во Скопје. Составот кој во досегашната кариера продал повеќе од 80 милиони плочи и го сменил животот на милијарди фанови ширум светот Duran Duran, конечно со концерт во скопје и тоа со оригиналниот квартет состав Џон Тејлор, Роџер Тејлор, Ник Роудс и Сајмон ле Бон.

Duran Duran во текот на својата долгогодишна кариера познат е по своите совршени радиски поп песни, пропратени со романтичен изглед и гламурозни и декадентни видео спотови, меѓу кои и последниот, снимен за песната Girl Panic! при крајот на минатата година, на кој ги прикажува светските топ модели - Јасмин ле Бон, Синди Крафорд, Наоми Кемпбел, Ева Херцигова и Хелена Кристенсен како членки на бендот.

Благодарение на Аволон продукција ќе имаме прилика да слушнеме и други звучни музички имиња. Пред само неколку дена имавме прилика да ги слушнеме во живо и Орбитал, Партибрејкерс и легендарниот хип-хоп состав Паблик Енеми. Тие настапија на Скопје Гори на кој место на бината завземаа и Легијата и Подземен Ефект. Duran Duran се на турнеја па ова беше прилика за Аволон по 5 годинишни обиди да ги донесат во Македонија на концерт. На 2 октомври, публиката ќе може вторпат да го слушне Лени Kравиц, а неговиот настап е во рамките на турнејата за промоција на албумот Black and White America, кое е негово деветто студиско издание.