Натан Невер серијалот се развлече во агонија, особено после прекинот на директната инволвираност на триото творци на овој лик, а последна епизода од нив, поточно од авторот Antonio Serra е бројот 203. Освен за некои специјални броеви, воопшто не творат за овој лик. Од 2007 година, Antonio Serra е задолжен за новиот "spin-off" на НН, Universo Alfa, додека за останатите двајца немам некои подетални информации, освен тоа дека работат на проекти надвор од НН и Бонели. Освен триото Medda, Serra и Vigna, како сценарист на Натан Невер се појавил и Stefano Vietti, (ко-автор на сценариото за Драгонеро) кој исто така учествува на серијалот до јубилејниот 200 број (последно ја има напишано епизодата 199), и направил неколку специјални изданија. Моментално, "активни" сценаристи се: Alberto Ostini и Stefano Piani, иако има и други, кои повремено ќе напишат по некоја епизода. Списокот соработници, цртачи, илустратори на насловни страни е мошне долг, ќе треба многу простор да се наведат сите (овој пат ќе ги поштедам членовите од предолги излагања). Ќе се сложам со rastaman дека убавината на овој лик му ја даде токму кохезијата на авторското трио, и мислам дека тоа е најголемата причина за успех на Натан Невер. Brian The Dog е во право кога вели дека во ова стрип издание се на најдобар начин сублимирани сите оние SF класици (од книжевноста или од филмското платно). Од самиот почеток ми стана омилен стрип јунак, и мислам дека издавачот Слободна Далмација ни овозможи едно вистинско уживање. Друга добра околност е тоа што во тоа време овој серијал беше во самиот почеток, така што Слободна Далмација фати навремен приклучок во однос на италијанските изданија. Останатите издавачи кои продолжија имаа поинакви планови, и со тек на време, Натан Невер остана на маргините. Според мене, особен белег на овој јунак му даде Клаудио Кастелини, чиј цртеж за мене е trademark на Натан Невер. По неговото заминување "преку барата", мошне честото менување на цртачите кои ја цртаа насловницата мислам дека по малку го наруши оној изграден имиџ за овој јунак, па денеска насловните се далеку од оние на кои сме навикнале. Со најновата едиција, Universo Alfa, Натан Невер (или ликовите од неговиот свет) е присутен во 8 изданија: Редовното месечно издание, Специјалниот број, Гигантот, Алманахот, Агенција Алфа, Астероидот Арго и Макси изданието. "Crossover" изданијата со Мартин Мистерија и уште едно издание Nathan Never presenta Klonz се во склоп на едицијата One Shot. Моментално во Италија, од 19 февруари, во продажба е бројот 213 (подолу е насловната страница).
|
Ама како и да е, за мене тоа е врв на Sf во стрип. Го обожавам секој аспек на стрипот и кохезијата на најдобрите Sf приказни од книги и филмови во еден свет. За жал јас ги имам само од СД на хартија а другите (мање више) на скенови. Хрвативе гледам се трудат преку Libellus со тие колекциски книги, спешли, алманаси, гиганти... 
)
