убо интервјуто

Не е баш за стрипот, ама убаво е да се прочита:

Датум: 29.05.2011, 21:22
НОВ БРАН ГРАФИТИ-ЦРТАЧИ ВО МАКЕДОНИЈА
Цртежи што го отсликуваат урбаното живеење



Уличната уметност во светот отсекогаш се третирала како феномен и апсурд истовремено. Феномен поради тоа што зад делата стојат големи уметнички имиња, а апсурд поради фактот што се третира како вандализам и е казнива според закон. Иако во изминатите години кај нас графити-културата доживеа стагнација, на повидок е новиот бран графити-уметници, кои се на добар пат да го освежат македонското сивило. Како стил на изразување најчесто се користи бомбингот, во кој спаѓа лепење стикери, користење шаблони, тагирање (уметнички потпис) и класична употреба на спрејот.

- Без разлика на техниката и стилот, за да се направи нешто големо и добро, потребно е пред с` време кое кога се црта илегално го немаме и многу средства кои, за жал, кај нас во Македонија с` уште чинат многу пари. Тука се и ригорозните закони и казните што се премногу високи, па заради тоа, кога се црта, се гледа се да се заврши во најкратко можно време. Самото име бомбинг произлегува од минималното време потребно за да се изведе еден таков графит - вели еден од познатите графити-цртачи, што се преставува како Данте.

Тој својот артистички белег го оставил во неколку града низ земјава. Според него, Македонија отсекогаш имала автентична графити-култура, која иако не е на високо ниво, на добар пат е да се развие.

- Почнав да цртам графити во седмо одделение во Битола, каде што с` се сведуваше на употреба на боја и четки, бидејќи немавме ни доволно пари, ни од каде да купиме спрејови. Бевме пет најдобри другари и цртавме под заедничко име ТОТ (Турбо откачени тенџериња ). Нашата цел беше на Битола да ~ покажеме дека освен на шеталиштето, модата и на кафулињата, младината може и треба да се посвети и на други нешта - објаснува Данте.



Скејт-паркот како сликарско платно

Еден од помладите графити-цртачи Мирослав Грчев познат по псевдонимот Микс веќе неколку години е активен приврзаник на оваа култура. Микс вели дека сака да реализира однапред подготвени цртежи, па често подготвува повеќе варијанти од дела, а најдоброто го пренесува на ѕид.

- Најчесто цртежите ги комбинирам со стикери и карактери, а за нив користам спреј, маркери и слична опрема. С` почна на обичната бела хартија, низ цртеж. Создавав ликови, стрипски-јунаци и замислени лица, кои решив да ги пренесам на ѕид, зашто беа коцкести, смешни и забавни. Меѓу графити-уметниците кои ме фасцинираат можам да ги издвојам Даим и Кен 2. Тие цртаат 3Д-графити и создаваат многу интересни и моќни карактери, кои претставуваат оригинални апликации - вели Микс кој има само 12 години.

Своите врсници, љубители на графити-уметноста ги советува дека со активно цртање може да се постигне повисоко цртачко ниво, но потребно е да се следат телевизиските емисии и интернет-страниците на кои секогаш може да се открие што е актуелно во светот на графити-уметноста.

Овој млад цртач добива целосна поддршка и од семејството и вели:

- Татко ми е архитект и ме научи да ја почитувам архитектурата во градот и ѕидовите од градбите. Нив никогаш не ги нагрдувам со графити. Многу се лутам кога другите цртаат така. Тоа не со графити, туку со смешни текстови, кои ни оддалеку не се улична уметност. Но, затоа, секогаш со радост одиме во скејт-паркот, или на други слободни места, каде што без пречки може да се создава улична уметност - вели Микс.



Медиум за брзо пренесување на идејата

Највпечатливи се тридимензионалните цртежи. Прилепскиот графити-цртач, кој се нарекува Крајм, е посветен токму на овој стил. За него графитите претставуваат медиум преку кој најбрзо може да се пренесе идејата, додека инспирацијата доаѓа од урбаните средини, простор што секогаш може да биде надополнет со интересно дело.

- Цртежите во 3Д се изработуваат со повеќе внимание, вештини и на повисоко ликовно ниво. Тоа што најчесто го цртам е геометриска апстракција, комбинација од 2Д и 3Д-форми во простор - вели Крајм.

Како и останатите графити-уметници открива дека во последно време црта само на места на кои е дозволено, но во момент на силна инспирација прави и отстапки.

- Има периоди кога излегувам и цртам, па што ќе биде, нека биде. Досега сум имал многу пречки, најчесто проблем се луѓето што не ја разбираат оваа култура - вели Крајм и додава дека цртачите во земјава треба да создадат свој стил на изразување, затоа што целта не е да се достигнат поразвиените земји, туку да се создаде автентичен печат, поинаква димензија, став, естетика препознатлив за нашата држава.
Емилија Маневска



Графити-цртачи поддржани од родителите

Веќе неколку години во Скопје функционира и графити-школа, чија цел е пред с` да се подобрат вештините на цртачите. Еден од членовите на ова училиште познат како М.Д. вели дека заинтересираноста кај младите за цртање графити е голема.

- Сите ученици доаѓаат со подршка на своите родители. Тие одлучуваат дали нивното дете ќе ги посетува часовите, а тоа најчесто зависи од нивниот личен став, како тие гледаат на оваа уметност. Освен можните техники, кои ќе им помогнат на полесен начин да се изразат, во програмата се вклучени и основните работи како линија, форма, пропорции, кои се потребни за секој почеток како и карикирањето и анимирањето на ликови што понатаму ќе продолжат како развој во текот на полугодијата. Се црта и на ѕидови кои ги обезбедил градот, а на крајот од семестарот секое дете изработува едно или повеќе дела на дрвени табли кои се излагаат во просториите на училиштето - вели М.Д.

Најчести примери што им се посочуваат на младите графити-уметници се светски познатите имиња, но не се заборава и домашната графити-сцена чија историја се следи од самите почетоци, па до денес.

По завршувањето на школата, секој поединец добива сертификат за посетување на часовите, а титулата графити-уметник М.Д. вели дека секој може да ја изгради само со континуирана и квалитетна работа во текот на годините.

http://www.dnevnik.com.mk/default.asp?I ... 6CF087CD12

супер е текстот, 1-2 од артистите ми се познати

Ова од пред неколку дена.Ми се јавија од МНР ама збогзаради БЕлград небев во можност да присуствувам......+заборајф да ви кажам....јебига.....еден ум за се.





"Карикатуристите од Шведска се соочуваат со климата

Амбасадата на Шведска, во соработка со Шведскиот институт и со Музејот на Град Скопје, вечерва во 20 ч., ќе ја отвори изложбата "Соочување со климата".
Изложбата е дел од интензивните напори на Шведскиот институт за промовирање на одржливиот развој, под името "Соочување со иднината - одржливост на шведски начин". Проектот има цел да поттикне дискусија за заштитата на животната средина.
Шведските карикатуристи Магнус Бард, Рибер Хансон, Хелена Линдхолм, Луве Антел и Карин Сунвисон, заедно со карикатуристите Михајло Димитриевски-Тхе Мичо од Македонија, Дарко Дрљевиќ од Црна Гора, Нина Хаџиќ од Босна и Херцеговина, Игор Хофбауер од Хрватска, Саша Ракезиќ од Србија, менторот Лапаштица од Косово и Агим Суљај од Албанија, коментираат на тема "Глобални климатски дилеми". Ќе бидат прикажани и карикатури на студенти од Ликовната академија во Скопје, кои учествуваа на работилницата што ја одржа Карин Сунвисон минатата година. Утре и задутре, Сунвисон и Рибер Хансон ќе одржат работилници на Универзитетот "ФОН" и во меѓународното училиште "НОВА". "

извор-----------http://www.vest.com.mk/?ItemID=F4D5B4257291614D86636C74F453FB13

Раста, не провоцирај, да не дојде Шахбаз...

Еве текст за и околу стрипот од еден од броевите на списанието "КЛУЧ".
Голема чест и задоволство ми е што господинот Томислав Османли-инаку еден од,ако не и единствен,македонски стрип аналитичар и историчар(не сум сигурен како тоа стручно се вика).
Благодарност голема до него.








1. Како гласи дефиницијата за стрипот?
-Според мене најкусата дефиниција би гласела: Стрипот е графичка нарација изведена во најмалку три глетка полиња. Глетка-поле е основната единица, стриповскот „кадар“ или „квадрат“. Ако на ова му се одаде дека графизмот на стрипот е антопоморфен (човекообразен) ја добиваме сликата на основниот медиум на стрипот. На ова треба да му додадеме дека стрипот денес е и трансмедијално творечко средство, имено дека покрај класичната фиксација на неговите содржини на печатена хартија, тој може да функционира и на компјутерски екран, како и на други средства за комуникаици што можат да поддржуваат графичка слика. Под стрипот, имено, се подразбираат неколку нешта. Тој е едновремено и уметничка дисциплина, и независен медиум, и медиски јазик.
2. Колку приказната во стрипот моѓе да е повод да се искаже и покаже состојбата во општесвото, фантазијата на една младешка популација, борба против злото и криминалот?
-Вашето прашање во основа значи - колку стрипот е уметност? Тој е уметност. Во таа смисла стрипот раскажува на свој начин теми и покренува проблематизации како и сите други уметности. Тој релевантно говори за општетсвените феномени, умешно може да гради богати визуелизации и атмосфери, да говори за состојбата во општеството, но и да дава авторски слики, нарации и толкувања по пат на вербо-визуелно раскажување и драматиации, слично на филмот. Разликата е во тоа што стриповската нарација не подрзбира подвижна фотофиксациска или електронска синтетичка слика како кај филмот и кај новата филмска анимација; туку нарација преку вештината на континуирање цртежи, релизирани рачно. Стриповката слика, сод руги зборови, претставува личен, непосреден графички „потпис“ на авторот. Во таа смисла сакам да потсетам дека во низата од уметнички дисциплини стрипот се реди како Деветта уметност, по филмот (Седма) и анимацијата како Осма уметност. Таа доаѓа по нив, а во некои субјекитвни аспекти, таа стои дури и над нив...
3. Го нарекувате девета уметност, велите дека академски е неприфатлива форма. Последниве години се има чувство како да измумира овој жанр.
-Според што го судите тоа? Ако мерило Ви се македонските искуства и моментни состојби, тоа може да личи така. Но, во светот, стрипот е еден голем творечки паноптикум од авторски творби и проседеа, некои од кои имаат својство на „конфекција“ и на индустрија, на печатени графички приказни за забава и ефтино усеќување на потропувачите „за пет пари“, но затоа други имаат својство на врвна уметност, богата во предочувањето креативно доловени, субјективни авторски светови, во еден дел реални, во друг карикатурални, инаку се` почесто фантастични – во целата палета на поимот на фантастиката – оттука и фасцинирачки. Токму тие стриповни визуализации потоа стануваа сликовна „храна“ за филмските остварувања со богата имагологија...од „Бејд ранер“, да речеме, до „Аватар“.
4. Што е причината , колку екранизацијата и инетрнетот имаат влијание?
-Огромно. Како низа од фиксирани графички еликовни елементи, стрипот е и базичен медиум; тој има поливаленциски својства како и активните елементи во хемијата. Стрипот, со други зборови, има способност да стапува во соработки, размени и „осмози“ со сите медиски носачи на графички материјал. Да речеме, во добар дел водечки дневни весници денес, цели станици од изданијата, на пример на „Њујорк тајмс“ и „Вашингтон пост“ донесуваат мноштва од, еден по друг наредени, стрипови во дневни ленти. Но, истото го добивате на интернет. Не само по дневните иданија на весниците, ами и збирно на специјализирани или еклектички сајтови. Заедно со текстот, информациите, клиповите и електронските фотки, денес и стриповната графика е мулти-дифузирана.
5. Дел од стрип јунаците беа инспирација за многу филмски сценарија, како ја толкувате вие екранизацијата на стриповите?
-Се разбира, тоа се супер-хероите. Од Супермен, преку Спајдермен, до Дердевил, Халк и мутантите од новите филски серии за Х-мен... Но има и јунаци, пред се Корто Малтезе на Хуго Прат, Што се авуваат како култни ат херои на современата култура. Тие, поточно Тој (Корто) се појавуваат во прозни остварувања, во делови од филмови, во други стрипови како симболи или како ликови на современо уметничко „очудување“, но и во долгометражни филмови насловени со неговото име. Тие се категорија над другите, зашто се дел од естетската митологија на стрип-културта на ова време.
6. Колку со пренесувањето на стрипот на филмското платно може да се долови истото чувство како при читањето?
-Рецепцијата е различна. Навидум побогаата зашто во меа учествува техничката мултимедија. Некои, токму пораи тоа, ја претпочитаат неа. Други пак, остануваат на стрипот и на „внатрешната мултимедија“ на субјективното доживување на цртежот и текстот на печатените страници, проследувани и имагинирани во тишината на интимниот простор, но и во богатите миксови на сопствената фантазија. Така, со умножувањето на медиските можности, се умножуваат и оние рецептивните...
7. Кога се почетоците на стриповото пишување а кога доживува експанзија?
-Почетоците на стиповното создавање се во 19. век во Европа, пред се во Швајцарија, Англија и Германија кога се јавува периодичниот забавен печат, а експанзијата се случува во минатото 20. столетие во Америка кога во конкуренцијата на новинските магнати Пулицер и Херст конкурентската борба за новински тиражи живо го користи и стрипот. Во таа смисла познато е искуството на Ричард Фентон Аутколт и авантурите на неговото „Жолто момченце“ стрип кој наизменично преминува од еден во друг конкурентски весник, а стипот почнува да се колорира, потоа и да се осамотојува во независни изданија...Лично за ремек-дело на стрипот од класичниот период го сметам „Малиот Немо во земјата на соништата“ на Виндзор МекКеј.
8. Генерациите кои растеле со Алан Форд, Дилан Дог, Загор, и до ден денес ги чуваат и ги читаат изданијата, некои имаат и големи колекции.Што е тоа што го прави стрипот привлечен за читателите?
-Јас тоа го илустрирам со познатиот исказ - Библија на сиромашните. Стрипот е пристапна забава од една страна, а од другата ја поттикнува фантазијата и ја задоволува авантуристичката страст на читателите. Независно од возраста. Оние што еднаш го засакале, дури и да се откажале од редовното следење, стрипот го задржуваат во топлите сеќавања за младоста. Ова со оглед дека над стрипот, во тврдите педагошки милјеа и денес лебди одредувањето на забратено овоштие. А тоа е, како и младоста, секогаш посочно...Низ припадноста кон стрипот духот останува млад и авантуристичен.
9. Од вашето долгогодишно искуство, истражување и пишување на оваа тема, сметае ли дека стрипоманијата исчезна однсно остана потисната од новата технологија?
-Не мислам дека е потисната. Стрипот во општата медиска поделба на генерациите им е поблизок на стрипофилите, видеото на видеофилите, игрите на нивните фанови...Тоа не значи дека фановите на технолошките медиуми не се навраќаат и кон стрипот. Тоа е, впрочем, се заедно една иста масовна култура на камерно искусувани авантури.
10. Колку според вас денешната младина се интересира за читање стрипови или пак тоа го имаат заменето со интрнетот и социјалните интернет мрежи?
-Се интересира и тоа за арт стрипови еден естетски поквалификувавн дел од младите. Еден друг дел ја чита вестерн или парапсихолошката конфекција што и` е пристапна денес, овде. Некои трошат добри пари на набавка на нови стрипарт албуми од знаменити автори на западниот свет... А некои играат игрици, четуваат или комуницираат на Фејсбук. Сите не прават едни нешта како порано. Денес има помалку романтика и социјализација во арчењето на медиумите за забава и за естетско доживување.
11. Има ли каде да се купат стрипови и дали сеуште се печатат?
-Македонски, скудно; освен во неколкуте домашни стрип списанија што едвај преживуваат. Странски, главно творби на стрип индустријата, колку-толку има. Но, арт албуми, за жал, никако.

..choekot si kaza kako so si e...

Среда ке има во ТЕА за МАКСТРИПОЈ!

...bravo...

Што бе, секој Август некој цртач(и) се појавува(ат) во Теа Модерна? Аман веќе....
А Вие не се пофаливте за Марвел - дека чекате табли, ама сте побарале покасно да Ви ги пратат?

Честитки за појавувањето во дневниот печат, со надеж дека сите ќе прочитаат и ќе ни се придружат тука, за да се дружиме....

/едит: „...да живеат со партнерот во мочуриште и да се борат со Индијанци со камен врзан на стап“! Јоооооооооооооооој!!! Priceless!!!!

Ubaini

браво го читав интервјуто и многу беше добро ,само мала замерка имам малку слики ставиле Теа ,можело малку поголемки да ги стават од Синдром

...abe i Cane go ima be...:

Super!

Aj zubo da e....
Nego-Tea i na albanski izlegva?

Или тоа, или ептен не ти се погодил примерокот...

Браво за интервјуто и нормално за тЕА Модерна.
Кратко јасно и прецизно е да Знаев дека ќе биде спомнат момакот со партнерот од мочуриштето.

..sea trcav da kupuem ..zdnji VEST nachekav..

Ми мириса на осврт у блиска иднина