Marvel: Star Wars #1-15 + Annual #1
-Ова почна добро, знам дека бев воодушевен од првиот број и целата прва арка! Ликовите убаво доловени, сетингот погоден скроз, добар хумор и релативно пристојна приказна. Ама после отиде у еден чуден правец. Додуша разбирливо зошто, иако имаше позајмени идеи од она што претходно сме го виделе во DH, сепак втората арка со тоа артефактите и барањето на дневникот на Оби Ван не ми легна многу! Иако реално животот на Оби Ван на Татоин (додека е лук дете) е неистражена територија, сепак ова ми делува на пополнување на дупки кои реално и можеа да се остават да лебдат во воздух или на имагинација на фановите. Како и да е, серијалов ќе го следам и понатаму.
Marvel: Darth Vader #1-14 + Annual #1
-Исто и овој серијал зема убав правец со правата арка и бев сигурен дека ќе се развива во нешто спектакуларно, ама и тука се разочарав некако. Ведер како лик ми е секогаш интересен, целата таа тензија, нетрпеливост и недоверба што ја има со императорот е тука и мислев дека Марвел ќе пловат на мирно море без да одат во некои екстреми и да истражуваат некои аспекти кај ликот кој досега ги немавме видено, ама на моја голема жалост токму тоа се случи и приказниве станаа некако исподпросечни. Следам и ова понатаму.
Marvel: Vader Down
-Конечно дојдовме и до првиот евент! Убав, моќен, спектакуларен налсов, конечно мислев дека ќе ја видиме големината, длабочината и моќта на еден сит лорд, и....на крај релано не видовме ништо! Да имаше тука заседи, снајпери, бомбардирања, батаљони бунтовници кои сакаа да ја убијат продолжената рака на императорот, нормално без никаков успех! И целиот евент се сведе само на тоа. Многу досадно, многу плитко, многу некако на брзина склопено.
Marvel: Kanan #1-9
-Ова и по девет исчитани броја уште не можам да сватам што е! Мислам да, ок, знам кој е Канан, знам за серијата Ребелс (патем вторава сезона, растура) исчитав и книга за неговото минато и се е тоа супер, ама причава у стрипот е ДОСАДНА! Не лажам, предосадна е! Има тука од се по нешто, кој му бил учителот, што се случува по наредбата 66, неговото криење и желба да преживее, ап се до запознавањето со Хера и сите оние слатки ликови од анимираната серија, ама некако многу набрзина склопено, многу неинвентивно, многу ама многу досадно! За овој серијал се мислам дали да продолжам со следење, ама познавајќи се себеси да, верувам дека ќе го следам и понатаму.
Е сеа покрај редовните он гоинг серијали да речам, Марвеловци у нивни манир почнаа и со кратки мини серијали:
Marvel: Princess Leia #1-5
-Првиот краток серијал, за кој друг ако не за „ледената принцеза“! Искрено ен знам кај им текна ова, ама ајде. Го исчитав првиот број, бев онака со подотворена уста и ми помина како низ магла помисла кај е пиштолот дома, ама го кликнав и новиот број, стигнав негде до пола и веќе тотално ми беше јасно со каква бљувотина си имам работа, ги поминав и останатите броеви од овој мини серијал, кликнав делит и верувам дека никогаш повеќе нема да ми текне на истиот. Толку досадно, неинтересно и тотално непотребно штиво у стар ворс универзумот јас до сега не сум видел!
Marvel: Lando #1-5
-Првиот број добар. Ландо у негов манир, тотално лежерен, ноншалантен а сепак со тајни скриени намери! Се врти некоја прича околу јахтата на Палпатин која воедно претставува и музеј со еден куп џедаи и и сит артефакти и Ландо собира екипа да ја украде за да исплати коцкарски долг. У принцип е ок, моѓе да и се најдат замерки, ама сепак го задржа доволно моето внимание за да добие некаква преодна оцена.
Сега за сега, толку. Остана уште минисеријало за Чубака и да видам што ќе се случи со минисеријалот за Оби Ван и Анакин.
