Еве и од мене нешто колку да изразам револт за неодамнешните случувања, ова требаше на тоа пораталот кај што објавувам колумни да иде, ама глеам нешто не се расположени и така. Пред да ја прочитате колумната би сакал да напоменам дека мој личен став е да МАКСТРИП здружението треба да излезе со соопштение до јавноста за сите случувања и пиздарии што се прават во СЦВ и за истото треба да ги извести надлежните институции и дефинитивно треба малку посериозно да почне да се занимава со решавање на овие проблеми. Колку што знам тоа е и една од функциите на здружението. И искрено не ми е јасно зошто сеуште се молчи, направивме една ваква акција која сите добро ја знаете и не гледам причина зошто не го повториме истото. Ова е реален и сериозен проблем а воедно и шанса конечно да се посочат некои работи. ВО СЦВ СЕ НАПРАВИ КЛАСИЧЕН ПЛАГИЈАТ ИЛИ ПОВРЕДА НА АВТОРСКО ПРАВО ШТО Е И САНКЦИОНИРАНО СО КРВИВИЧНИОТ ЗАКОН НА РЕПУБЛИКА МАКЕДОНИЈА.....ако ова оставиме вака да помине ондак пријатели мои....ТЕШКО НАС....паѓа во вода се она што сме го збореле, мислеле, се она во што сме верувале. Сватете ме како сакате ама мене искрено ми пукна филм и после ова за неодредено време ќе се повлечам од се!!!!!!!!!!!!!!!
КАКВА Е ОВАА СИТУАЦИЈА!!!!!!
После подолга пауза заради мои професионални ангажмани и приватни зезалици се враќам повторно со моите колумни илити скромни видувања за стрипот и стрип сцената општо, а и во нашата мала но мила држава.
Набавив многу наслови, прочитав многу стрипови периодов, се случија и многу стрип случувања кај нас, но за жал неместо овие редови да ги посветам на убавите работи и на тоа колку како држава одиме напред во поглед на стрипот и стрип сцената во Македонија сепак ќе мора да напишам збор два за она што ме разочара пред се како човек, како стрип љубител а и како граѓанин на Република Македонија. Буквално за мене се случи невозможното!!!!!!!
Неодамна како и секоја година (десет години по ред) во Велес се одржа 10-тиот Меѓунареден сaлон за стрип со соодветна програмска содржина, како предвања, стрип работилници, презентација на стрип дела и стрип берза и доделување на награди за стрип во неколку категории што е реално и она за што се одржува еден стрип фестивал. Учество земаа повеќе гости - стрип автори како домашни така и странски меѓутоа најголем белег верувам дека остави присуството на Mauro Laurenti еден од попознатите цртачи на култниот стрип јунак Загор кој е навистина големо име во стрип индустријата и навистина ми е многу криво што не најдов време да присуствувам барем на неговото предавање.
Морам да признаам дека и фестивалот или ти стрип салонот беше медиумски доста покриен (имам мала забелешка а тоа е презимето на Mauro кај нас дали свесно или несвесно во многу новинарски текстови а и официјални соопштенија од самиот салон беше преведено како “Лоренти„ што е апсолутно погрешно) ама ете луѓе сме грешиме и преминав преку тоа.
Она што мене највеќе ме погоди е „Наградата за најдобар учесник до 18 години“....
Оваа награда верувале или не беше доделена на еден релативно млад автор кој морам да признаам дека учествувал на конкурсот со едно маестрално дело ама за жал не негово лично туку прецртано.....
Да добро прочитавте буквално прецртано до најситен можен детал......Таквото дело го пријавил на конкурсот и што е најтрагично победил и не само што победил него до илустрациите кои нормално биле изложени за време на салонот стоело/и неговото полно име и презиме а верувам и дека свечено му била доделена наградата со сите салтанати како што е редот и верувам дека тоа така и ќе поминело ако по некоја случајност јас а и некои останати индивидуи (мои лични пријатели) од областа на стрипот не го приметеа очигледното, а тоа е дека стрипот (стрип таблите) со наслов „Бесмртен“ кој доби награда е всушност стрипот “Haunt„ на Todd McFarlane и Robert Kirkman издаден под капата на Image comics во 2009 година. Искрено првите десет минути бев збунет блеев како овца во монитор и едноставно не можев да сватам што точно се случува....Прво нешто што ми текна да направам е да ја проверам информацијта, почнав да гуглам и сватив дека тоа поминало без никаква реакција од никого, дури ме зачуфи фактот што и никој од комисијата (која ги оценувала делата пред доделување на наградите) не приметил дека се работи за клсичен плагијат или да бидам попрецизен злоупотреба на авторски права (да не се лажеме нема стрип автор, љубител, колекционер и слично што не чул за Haunt) или барем јас така мислев ама ете очигледно има и такви. Трагедијата да биде поголема такви луѓе се дел од комисијата или „жирито“ како сакате кои треба да оценат најдобар стрип и да доделат награда.
Како и да е, по утврдување на веродостојноста на информацијата нареден чекор беше да се проверат пропозициите што секој учесник треба да ги исполни за да може да учествува на конкурсот, ја најдов официјалната страна на салонот и покрај сите општи и посебни услови апсолутно нигде не видов можност да се учествува со прецртан стрип (освен можеби тоа дека темата на стрипот е слободна) ама нема шанси ова да се протолкува дека може да се учествува со прецртан стрип, исто на самата интернет страна е наведено дека стриповите ќе бидат разгледани од три члена комисија, тука веднаш се поставува прашањето за кредибилитетот на тие луѓе во смисла на нивната компетентост, стручност и познавање од стрипот како категорија.
Жалосно но вистинито, искрено уште сум збунет додека ги пишувам овие редови и едноставно не можам да поверувам дека на еден таков реномиран меѓународен стрип салон – фестивал може да се случи вакво нешто, па да не зборам за последиците од вакво нешто, и тоа не само во границите на нашата држава, ова е серизоен проблем од меѓунаордни рамки, можете ли да замислите какви реперкусии би можел да има ваквиот чин спрема сите оние наши авотри кои цртаат или се обидуваат да цртаат за странски издавачи, дали знаете каква црна дамка може да остави овој чин на сите оние напори на поединци кои од петни жили се трудат да создадат нешто, да создадат стрип сцена.....големи можат да бидат последиците и тоа на долг план.
Уф....можеби преемотивно настапив, ама сепак мене лично како стрип познавач, колекционер и љубител на стрипот вакви работи навистина ме погодуваат, ама ете за жал ги има, тука се, меѓу нас се!!!!!!!
Знам со сигурност уште едно, оваа работа нема да оставам да помине вака, додека ја имам слободата да пишувам ќе пишувам за ова и секојдневно ќе го следам проблемот!!!!!
Здравје боже во наредната колумна ќе биде опфатена изложбата на здружението „Макстрип„ по повод Бели ноќи и средабата со легендите на македонскиот стрип......
Дотогаш останете ми со добро здравје и добра мисла.
|
) и како и секој голем колекционер и вљубеник во стрипот со трчање отидов дома и одвај чекав да видам што сум купил.
