Тони Анастасовски
Илустратор, стрип цртач и колорист од средната генерација.
Роден е во 1967 год. во Скопје. Учел средно уметничко во Скопје и уште во средношколската возраст започнал да работи црно - бели илустрации за "Млад Борец" и подоцна за "Студентски Збор". Има објавувано колор илустрации (масло на платно) за "Decje Novine" од Горњи Милановац и "Дневник" од Нови Сад и тоа за насловни страни за книги и пишувани романи како "Krimi", "West", "Vestern" и др. како и многу плакати за филмови и VHS касети во поранешна Југославија. Има објавено неколку кратки стрипови по сценарио на Владо Николовски во "Мак Стрип", а подоцна и во стрип изданијата "Стрип Арт", "Стрип Креатор", "Стрип Арт-визура" и др. и има нацртано една необјавена епизода од Тарзан, наменета за Нови Сад. Учествувал во повеќе Југословенски стрип конкурси. Има соработувано со многу автори меѓу кои и Дарко Марковиќ, со кого соработувал на анимираниот филм "Пецко", потоа Диме Иванов-Димано, Александар Сотировски, Смиле Цветановски, Зоран Танев, Игор јовчевски, Никола Темков и др. и тоа како колорист на повеќе стрипови, книги и списанија за деца за повеќе издавачки куќи од Македонија како "Просветно Дело", "British Council", "Визант", и др. Моментално се занимава со сликарство, илустрација и изработка на портрети за надгробни споменици, а повремено работи и како колорист на повеќе стрипови и стрип-албуми. Некои негови работи можете да видите на неговиот блог: http://antoni2.blogspot.com/
