Традиција ми е (и на Крале) на било кој форум да сум, да има еден ваков топик...

“Правилата“ се едноставни - сте гледале некој филм, ви оставил впечаток (добар/лош), го пишувате овде, ако сакате можете да дадете краток синопсис за филмот (но БЕЗ SPOILERS, ве молам), или ако сакате само вашето мислење за филмот. Најубаво би било со секој филм да иде и некаква оценка (7 од 10, или 4 од 5, исл).

Еве ја ќе почнем, со неколку мои скорешни мини-рецензии, колку да видите на што мислам...

Batman Begins - 8.5/10
Додека го чекав The Dark Knight да излезе на асална снимка викам ај пак да го изгледам чудово, сепак ТДК продолжува одма после крајот на овој. Освен првобитните маки да се навикнам на Кристијан Бејл како Брус Вејн (не како Бетмен, тој дел му лежи), како и вграденото ловење инконзистенции со стрипот (нема да ги спомнам, ги знаете и сами) - морам да признам, филмот гледан како една standalone приказна е мнооогу јак и повеќе од солидно направен. Нолан не прави често филмови, ама кога ги прави, направени се: мрачен, каков што и треба да биде еден Бетмен филм. Едино се изнервирав за една сцена, која според мое мислење мнооогу лошо ја изведоа - убиството на родителите. Икона од сцена со децении уназад (особено онаа слика од птичја перспектива на малиот Брус Вејн во средина, со двата трупа од страна под два различни снопа светло - која ја немаше воопшто!), они ја направиле ете, колку да има нешто, и се’ се одвива толку брзо! Енивеј, за љубителите на франшизата, па и сите останати - a must see.

The Dark Knight --- 9.5/10
За филмов нема што не е кажано веќе, па ќе бидем краток: Немаше досаден момент во цел филм, што за филм од 2 и пол саата е и-те-каков комплимент. Многу подобар отколку што очекував (а очекував многу), едноставно мора да се изгледа, дури и да сте најголемиот стрип/суперхерој хејтер на планетава...

The Fountain --- 8/10
Конечно го изгледав филмов на асална снимка - Аронофски дид ит аген! Браво. Одлично заокружување на неговата претходна работа, дури може да се смета еден вид трилогија: Пи се бавеше со умот, Реквием со ... знаете веќе , а Фонтанава со срцето. Интензивно, забегано, одлично графички и визуелно обработено, многу верно на оригиналната графичка новела, со силна митологија и филозофија - едноставно мора филмов уште еднаш да се изгледа да се разберат сите симболики и заебанции. А и да не го разберете скроз, сепак е одличен трип...

The Prestige --- 9.5/10
Fucking awesome. Ова и можеше да се очекува од таква закон графичка новела. 9.5 без никакво размислување. A must see. Кој не го гледал, да си пука сам у нога. И немој некој да ми го споредил со Илузионистот (само затоа што има магионичари), тогаш ја ќе му пукам у нога...

Hellboy II-The Golden Army --- 7/10
Како голем обожавател на Mike Mignola, одвај чекав нова инсталација и иако е само малку над просечна сепак не ме разочара, одличен трип. Идејата за филмот не е земена од стриповите, туку е “оригинална“ замисла на Гиљермо дел Торо (режисерот) и потсетува на Мумија/Скорпион Кинг, и мислам дека тоа е проблемот. Адаптација на директна приказна од стрип ќе беше многу подобро решение, иако морам да признам имаше многу оригинални моменти (и суштества). Сепак, ме развеселија наговестувањата за третото продолжение: (*без гајле, ова нема врска со дешавките во овој дел*) „ние или вие“, “луѓето или чудовиштата“, “Хелбој или целиот свет“ т.е муабетот на пророчицата дека Хелбој е клучот за деструкција на све живо, се teasers (за оние што го читале стрипот) дека следно ќе се обработува најјаката Хелбој прича - со навлегувањето на кабал страшно јаки демони во нашата димензија и (конечно!) нивната армија од frog people. Што знаеш, може и ќе ја срушат онаа традиција третиот суперхерој филм да биде најкрш од сите...

Wanted --- 7/10
Како и секогаш кога треба да гледам филм базиран на стрип, прво го читам стрипот - и се заебав. Како што читав сфатив 1) дека стрипот е просечен, што значи филмот ќе биде просечен и 2) дека никогаш нема да може да се адаптира соодветно пошто стрипот е ептен психо и забеган и луд (а баш би сакал филмот таков да беше). Заплетот во филмот е скроз нов, без никаква врска со стрипот, што и не е така лоша работа. Честито за добро одбраната екипа, МекАвој беше одличен и како дрон и како убица, само ликот на Џоли требаше да биде повеќе психо, ко у стрипот (она сигурно има особини тоа да го изведе). Одлични акциони сегменти и неколку оригинални моменти (куршумите). Ако ви се глеа акција, слободно пуштајте, бољи е од сите оние Умри Мушки срања кои ги вадат во последно време...

Hancock --- 4/10
Meh. Бљак. Вил Смит (а особено Шарлиз Терон!) може мнооогу боље од ова...

The Chumscrubber --- 8.5/10
Мрачен, сатиричен приказ на животот во американските предградија - нешто како Weeds, само малце позабегано. Има мал мајндфак филинг, но не е ни комплицирано ни претенциозно туку е чиста сатира. Дејствието се врти од тинејџерска перспектива, но главните моменти се од ептен јаката споредна глумачка екипа (Глен Клоуз, Кери Ен Мос, Ралф Фајнс итн), особено Ралф Фајнс во улогата на завеаниот градоначалник. Highly recommended.


/Најтазе гледани ми се претендентите за годинешниве Оскари, но за нив понатаму...

eeeeeejjjjjjjjjjjjjjj
HANCOCK mi se svigase epten!!!!!!!!!!
si imase svoi dobri momenti
mozda Will Smith ne e sovrsena uloga ali dobar bese!
.......soznam,...... sekoj si ima pravo na svoe mislenje

MACHINE GUN GIRL!
japonski film

akcija, so losi momenti za humor! (sto go pravi filmot cool komedija )
mnogu krv, duri i nerealno mnogu.
mnogu pacerski napraen (sto pridonesuva kon komedijata)
mnogu manga kadri
glumata standard japanci......

u globala mi se svigase EPTEN!!!!

The Curious Case of Benjamin Button.
Многу добар филм нели,неизбежна е споредба со Форест Гамп,ама не поради сценарио и оригиналност,туку тоа темпо и расположение го има.

City of Ember 8/10 U sekoj slucaj treba da se izgleda. Detski e. Ali i Bill Murray igra td na koj mu pashe...

"Taken"

Tolku!

Oscar frenzy! (пишувано пред да излезат официјалните номинации)


The Wrestler - последното од Аронофски, и можеби најквалитетно до сега. Вакво нешто добро склопено стварно не се гледа често. Не зеде за џабе Златен Лав во Венеција и куп Златни Глобуси. Убава, тешка приказна од дното на америчкото социјално миље, нешто што не е многу присутно во Холивудска продукција. Ова е, hands down, најдобрата изведба на Мики Рурк во целата негова кариера. Навистина му лежи улогава. --- 9.5/10

Milk - Шон Пен го глуми Харви Милк, првиот геј избран претставник од Сан Франциско. Ретко глуми вистински луѓе, ама муабетот по интернетов вика дека дури и тие што го знаеле лично, им се чинело дека гледаат дупло Од Пен не ни очекуев ништо испод брилијантно, ама изведбава му беше стварно неверојатна (заедно со изведбата на Џош Бролин). Мој фаворит за Оскар за главна машка улога. --- 9/10

Frost/Nixon - политичка драма за серијата интервјуа меѓу Ричард Никсон, откако ќе се дознае за Вотергејт, и британскиот новинар Дејвид Фрост, кој е всушност новинарот кој прв ќе го натера Никсон да признае јавно дека бил вмешан во скандалот. Правен е во полудокументарен стил, одлично склопено, одлична споредна екипа, многу суптилни моменти, а Френк Лангела ко Никсон е страшен. --- 9/10

Slumdog Millionaire - одлична, одлична, срцепарателна драма на Дени Бојл за едно сиромашно Индијче од Мумбаи, кое ќе стигне до последното прашање на индискиот Милионер. Само што ќе се чуе сирената дека завршила таа емисија, го апси полиција под сомневање дека мами. Низ низа флешбекс (кои се одлично направени) ја гледаме неговата животна приказна, со акцент на моментите/ситуациите кои довеле до тоа да ги знае одговорите на некои од прашањата. Мала напомена: иако сите глумци се Индијци и се случува во Индија исл, ова е одлично режиран британски филм, со британски глумци, а не некое Боливуд срање. --- 9.5/10

Changeling - микс меѓу Mystic River и Gone Baby Gone, во режија на мајстор Клинт. Анџелина Џоли глуми млада мајка, од богато семејство, чив син е киднапиран. А ла Линдберг ситуација следи, со таа разлика што синот ќе и биде вратен. Арно ама, она е убедена дека тоа не е нејзиниот син, туку некое друго дете... Анџелина го носи цел филм со глумата, иако ја општо не ја бендисуем многу, ама ова е вредно номинација. Fun trivia: Филмов е напишан од Џ. Мајкл Страцзински (да, тој истиот) -> одлични дијалози, мистерија и драма, иако малку е утупено кон крајот. --- 8.5/10

Gran Torino - Клинт Иствуд режира и глуми во драмава со расистичка тема. Одличен настап на Клинти како хардкор ветеран од Корејската војна кој уште не може да ги поднесе косооките, а кои ко за беља се повеќе и повеќе ги има кај него у маало. Заплетот почнува кога едно Корејче ќе проба да му го украде за вожња најскапоценото нешто - неговиот Gran Torino, па Клинти ќе реши да го дисциплинира и да го одучи од лошите навики... Режијата, очекувано, е маестрална, а Клинт уште еднаш ќе ви покаже дека he hasn't lost his touch кога станува збор за глума. Once a badass, always a badass. --- 8.5/10

The Curious Case of Benjamin Button - може да се каже, првиот помејнстрим, понезабеган филм на Дејвид Финчер (Seven, Fight Club, Zodiac). ОК, причата е пак забегана, ама темата е љубов/драма, а не психопати. Бенџамин Батон (Бред Пит во неговата можеби најдобра изведба досега) старее наопачки. Со други зборови, ќе станува се помлад и помлад. Баеѓи бизарни моменти, но интересни - филмов трае 2 и пол саата, ама нема ич вишак. Споредната екипа е страшна (Кејт Бланшет, Џулија Ормонд, Тараџи Хенсон, Тилда Свинтон), не би ме зачудило било која од нив ако добие номинација. Споредбите со Форест Гамп се на место, иако мене најмногу во глава ми се моташе “Идиотот“ на Достоевски додека го гледав. Правено по дело на Ф. Скот Фицџералд. --- 9/10

Che - Бенисио Дел Торо во една од најјаките глумачки изведби во задњава деценија, и дефинитивно негова најдобра во кариера (не за џабе собра толку награди по фестивалине). Само ради него вреди да се гледа. Режијата е на (скоро) секогаш одличниот Стивен Содерберг. Иначе, причата е позната, животот на Че Гевара. Дејството почнува од 1956 кога со Кастро и другарчињата почињаат да мобилизираат армија за да го отстранат од власт Батиста. Првиот дел е 2 саата, вториот (кој допрво треба да излезе) ќе биде долг 4 саата. Добрата вест е што се self-contained, може да се гледаат и башка, или само првиот, ако сакате. --- 9/10

Revolutionary Road - ептен хај профајл народ е умешан у филмов: режисер Сем Мендес, главни улоги Леонардо Ди Каприо и Кејт Винслет, правено по новела на Ричард Јејтс, па очекувањата за оваа драма за едно семејство од предградие и нивниот комплициран живот заедно се многу големи. Според критичариве и народов по интернетов, најголем фаворит годинава. Пошто органски Ди Каприо не го поднесувам, се надевав дека све ова е само hype, бла бла, Титаник reunion исл... ама тогаш го изгледав. Ди Каприо имаше некои солидни улоги во минативе неколку години (од Авијатичарот до Департед), ама оваа му е дефинитивно најубедлива од сите нив. А за Кејт Винслет ич да не зборим, тотал опозит од Титаник. Номинации добиваат обавезно, а Лео дури може и да му го дрпне Оскарот на Шон за ова. --- 9/10 (изгледа за овој филм најмногу утнав во проценката )

Defiance - Оскаровски гледано, еден по послабите филмови, ако не и најслаб од целиот овој куп. Приказната е за тројца браќа Евреи (Дениел Криг, Лив Шреибер, Џејми Бел) кои бегаат од концентрационен камп за време Втора светска војна за да му се придружат на рускиот отпор во Белорусија. Повеќе е на драма, помалку на војна/акција, што е за мене пропуст, плус можело многу подобро да се изрежира, но сепак е солидно дело, вредно за гледање. --- 7.5/10

Frozen River - ова е џуџето што ќе се натпреварува со џиновите. Неверојатно добро склопена крими драма, со уште поневеројатна глума, гарантирам номинација за главна женска улога за Мелиса Лео. Причата е за две самохрани мајки, кои од очај почнуваат да шверцаат ствари помеѓу Америка и Квебек преку замрзнатата река Св. Лоренс, и стејт труперот кој ќе ги гони. --- 9/10

Happy-Go-Lucky - мојот најнов омилен филм за тепање депресија, меланхолија исл. Има нешто посебно во филмов, филозофијата зад главниот лик (Сали Хокинс, која веќе доби Златен Глобус и која ако не добие барем номинација за Оскар за ова, тоа ќе биде најголемиот грев на Академијата годинава) е толку освежувачка и позитивна, што не може а да не се насмеете и орасположите. Имено, девојката е патолошки среќна. Секогаш, во било која ситуација, она наоѓа нешто позитивно. Вљубена е во патолошки несреќен, негативен батка. Гледате накај иде ова? Од сите филмови на листава, овој најмногу го препорачувам. --- 9.5/10

...

braos tetoec za iscrpnata kritika i komentarite za filmojte,ne sum ba6 vo tek so filmojte sho se aktuelni sega...ama shoznam nekako za betmen dark knight mislam oti ima nekoja preterana fama ...fakt e deka jokero e lik koj go vodi cel film i mu dava tezina a od druga strana betmen e sosema vo vtor plan...i sepak ako zborame za betmen filmoj pofavoriti mi se onie na barton koj kako stil pojke mi lezi...nolan se obidel da psihogizira mnogu (to e vo red)a od druga strana gleame akcija i tepa4ki koi nadminvat sekakov poim za realnost ...toest se obidel da spoj ne6to od mejnstrimot so ne6to ne tolku majnstrimovsko ne6to sli4nno kako matrix samo sho tamu taa formula lezeshe odli4no vo prvijo del...so drugite dva se usraja totalno...
to e ...malce da iskomentiram sho mi lezelo na srce.

Уф....се осеќам ко фригидно бабиште во старечки дом. Последен филм шо гледав е Hair, тоа хипи мјузиклот и Казабланка со Богарт. Од новиве за оскар не знам ама баш никој. :/ I'm sooo out of the loop, I might as well become a hermit and move in a friggin' forest.

Here's lookin' at you kid.

Earl? Као, My Name is Earl? ееј...дајте некој на двд ако има. Ја ќе мењам за....хм....Invader Zim и Drawn Together.

*is happiness incarnate*

Го гледав оној филмот базиран на стрипот СМРТ,ЉУБОВ,СМРТ-SEMETERY MAN со Руперт Еверет и ...многу бизарен ми се виде ,имаше добри сцени,одлична глума,згодна глумица,ама тоа зомбите,музиката,камерата-шо би се рекло уметнички филм
И крајот не го разбрав

Brazil (1985) го гледав преѓе по втор пат. Fun stuff.

The Midnight Meat Train
Онака,да се задоволи потребата за крв.Си има свој моменти филмот.

Midnight Meat Train? Не беше тоа од Clive Barker? Yummy

SCREAMERS the hunting
.............TAPA!!!!!! spored mene
ne e ni blisku do prviot del
premnogu e predvidliv!!!!!!

Babylon A.D. 2008
Directed by
Mathieu Kassovitz
Writing credits
Eric Besnard - writer
Maurice G. Dantec - novel
Mathieu Kassovitz - screenplay
Joseph Simas - co-screenplay

Cast
Vin Diesel - Toorop
Michelle Yeoh - Sister Rebeka
Mélanie Thierry - Aurora
Gérard Depardieu - Gorsky
Charlotte Rampling - High Priestess
Mark Strong - Finn
Lambert Wilson ... Darquandier

Малку каснев со гледање на филмов, синоќа го догледав и морам да го препорачам, во сличај некој да не го гледал. Метју Касовиц ептен си ја завршил работата, прекрасна СФ акција.

2001: A Space Odyssey