Ако Македонија е дел од некое вакво истражување, веројатно дигиталните стрипови ќе бидат повеќе читани. Иако анкетата покажува што претпочитаме, фактичката состојба наметнува дека нашиот пазар не нуди шареноликост на стрип изданија, дека немаме преводи од светски дела, дополнително, немаме ни понуда на оригинални дела, или е тоа незначително. Благодарение на разни извори, тие дела ги читаме дигитално. Јас го следам тој пример, од неук за новите технологии, благодарение на можноста која е понудена на овој форум, почнав да читам дигитални стрипови и за одредено време некако го ублажив тој анимозитет кон оваа форма на стрип, или на читање на стрипот. Освен за некои подобро ситуирани, стриповите денеска се мошне скапи за еден обичен читател и вљубеник. Барем оние албуми во тврд повез, голем формат.