Редизајнирана страна..Појма немам од кога е оваа промена,ама сега не можат да се најдат освртите.

OMG, уште постои ВОРМ КОМИКС-ПРИЛЕП?

Ворм Комикс ќе живее вечно.
бај д веј,честито нов дизајн на сајтот.Ме потсетува на оние сајтови од пред 10-15 г.Браво.

И додека мрморецот ја виткаше својата чоколада, сонцето сеуште изгреваше на исток и ветерот пиркаше накај запад-северозапад на нашиот ни Аце сеуште не му доаѓаше умот и сеуште си ги лечеше фрустрациите од тоа дека Шарко сеуште не лае а за стрип...стри...стр...ст....с...................................Ова во очекување на ДД Гигантот бр.2 кој би требало да се појави на трафики од ко ќе се најдат доволно кофи за да се пренесе бојата во печатница.....

Во очекување на следните изданија, само еден мал осврт кон вториот Гигант со Мартин Мистерија, кој ми беше позајмен на читање и „анализа“ од еден пријател, бидејќи јас не сакав да одвојам толку пари, знаејќи дека издавачот во меѓувреме продава гиганти во тврд повез од Систем Комикс за 500 денари по издание. Издавачот го знаеме, но сепак, сакав и за изданиево некој збор да кажам, лично, субјективно видување на оној финален продукт:




Како издание, со својот голем формат, Гигантите се секако за поздравување и се прва ваква пообемна киоск понуда кај нас, во слободна продажба на македонски јазик. Еве излезе и вториот број (со едно поголемо задоцнување), меѓутоа пополека се придвижуваат напред работите. Позитивно е за публиката што ете може да прочита нешто на мајчин јазик. Секако, целната група за овие изданија се младите, кои и немаат баш голем џепарлак, а цената на вториот Гигант е малку над стандардните суми кои некој би ги одвоил за стрип (нели е економска криза, омилената фраза на издавачот).

Друга работа која малку ми пречи мене лично е што помеѓу првиот и вториот Гигант има некоја разлика, во ред, во меѓувреме се сменала редакцијата, па и печатницата, но на овие изданија им недостига една конзистентност, каква што имаат хрватските гиганти, или италијанските изданија оригинални. Луѓе се менуваат, и печатници, ама изданијата треба да следат одредено ниво на квалитет и еднаквост. Не само извади го нештото колку да го има.

Насловната е одлично испадната, бојата, оштрината на илустрацијата, логотипот се одлични. Исто така, морам да забележам дека и печатењето е на ниво, црно-бел контраст на страниците, отпечатокот одличен. Единствено во обрезот, на воведните и завршните страни, луѓето од печатницата не обрнале внимание, па останале тенки бели линии, не оди илустрацијата до крај на страницата. Споредувајќи го ова со хрватското и италијанското издание, а и со првиот Гигант, забележав дека фонтот во воведните и завршните текстови сега е нов (оној за насловите, поголемиот), и се' е со црни букви, додека кај оригиналот има и сиви букви (ќе поставам и неколку фотографии подолу).



Фонтот за насловот на епизодата е несреќно решение, би рекол (она КСАНАОУ што претходно беше споменато). Секако, право на издавачот е да избира она што сака, а наше право е да даваме свое мислење за истите финални одлуки. Исто така, помеѓу првиот и вториот Гигант, променет е и фонтот кој се става во облачињата.

Забележав дека корицата брзо се оштетува, иако стрипот е многу внимателно читан и чуван. Се гребе лакот и остануваат мали бели површини. Тоа е најверојатно до квалитетот на материјалот и изработката. Друга замерка на печатницата (или издавачот) е хартијата, која е многу слаба и проѕирна, за разлика од таа во првиот Гигант. А отпечатокот пак е одличен, малку контрадикторни моменти. Буквите во балончињата се негде помали, негде многу поголеми, негде текстот е несиметрично стеснуван, што е за мене уште еден мал минус. Според мене, тој што го обработува овој дел треба да има изоштрена визуелна перцепција, или осет, што би се рекло, а секако и да има читано стрипови, или барем земено друго издание за споредба.

Иако во Импресумот е наведено дека изданиево има лектура, таа тука секако дека недостасува. Текстовите не се ни коригирани, а како што спомена и Мешков, има изобилство на локални изговори. Исто така, некои географски поими, а и историски не се баш јасно преведени. Во продолжение само ќе ги нафрлам оние зборови кои јас ги забележав читајќи го стрипот: Шамбалах, Орлоф (Orloff е руско презиме, но Французите според звучност во нивната азбука им ставиле две Ф наместо В на крајот), Мохенјо Даро (треба Џ наместо Ј), Таглакхар, Хут Куми (на стр. 4), се треси, предците, „чудото, со ретка инвенција од пештери со мраз, и една палата во сонцето.“, пијал, почните, ренгенските, се без апостроф, на многу места нема празно место помеѓу интерпункциски знак и почеток на нова реченица, ќе го шијаме, кесе за тутун, да го потполнам картонот, почуствувам, Падам Хуит, Сент Баумеј (Санте Бом, правилен изговор), кфалификувал, Тикала, Теотихукана (правилно: Теотиуакан / Теотивакан), Паленкуе, Тихуанака, Мато Грос (Гросо е правилно), Перси Харисон Фавцит (не е некој модерен Римјанин, туку Percival Harrison Fawcett - Персивал Харисон Фосет, превод од англиски), храмот на црниот Базал (храм од Црн Базалт), Апис Мелифера Сцутелата (имињата на латински се пишуваат во нивната оригинална латинична форма), Килер Би (исто така, треба Killer Bee, во изворната форма), свер... Ова е до страница 70, понатака откривајте сами.

На страница 68, споредено со оригиналот, недостасува дополнителен текст во претпоследната слика долу, каде се објаснува во кој број е средбата со Дилан. Исто така, таков текст недостасува и на последната слика, на крајот од епизодата. Не знам дали овие корекции се правени од страна на издавачот, или од Бонели им дале посебни скенови, различни од другите. Уште еден момент, следната слика, исечок од весник, преведен е само насловот и помалите наслови под него, а останатиот текст е оставен италијански. Весникот е италијански, па можело или целосно да се преведе или да се остави оригинално.




Тоа би било тоа, отприлика, за мене е битно стрипот да е склопен како што треба, сепак за него се плаќа убава сума. Овие литературниве и историско-географскиве поими се исто така битни, бидејќи се работи за егзактни работи, а таму не треба да се греши. Исто така треба до крај да се почитува литературниот јазик. Инаку изданието од технички аспект, како што споменав и погоре, нема проблем, највеќе материјалот и овие содржински моменти се тоа што му дава помала оцена кај мене. Мислам дека вакви коментари се битни и за издавачот, за да увиди што и како може подобро да се направи во следниот број. Најлонската заштита е јака, што е многу битно за подолготрајност на изданието (не како со Гигантот на Дилан Дог - уништен тираж).

На страна мојот благо речено несериозен технички осврт, Скајвокер конечно даде една реална рецензија на овој така наречен Гигант. Нема тука што многу да се збори, обработено до прецизност и нормално со појаснувања како би тѕребало одредени имиња и зборови да бидат на македонски литературен јазик.
Скај поштуем друже рецензијава.
Пак ќе кажам не е бите издавачот тука (како што ќе биде протолкувано), битно е изданието.
И па ќе повторам ова не вреди да се купуи и да се има дома во колекција.

Рецензијата на Скајвокер во стики да оди. Секоја чеС на трудот.
Особено она што е напишано за лектурата е 100% точно.

Секоја чест и ИСТРАЈНОСТ на Скајвокер да го прочита овој......производ.... и да направи и рецензија за истото.

Фавцит ми е врв од сите бисери. Како глумицата Фарах Фавцит а?

Јас би сакал рецензија на рецензијата на Скајвокер да направам. Имено, потполнет е правилно. Tet0eC out. LL&R.

/R is for рецензија.

@Мешков-Додади и:уметникот Есад Рабик

...ми го краде потписот

Плус приказната во овој гигант е тапа.

Мило ми е друже што мојот осврт побуди кај тебе желба за една ваква рецензија

@Phoenix не му го крадам потписот на Крале
@Kрале не ти го крадам потписот.
@Досите останати не го крадам потписот на крале.


EDIT: Aма жимимајка не можев да не го изразам воодушевувањето од ПИСТАЕЛОТ Straczynski

Патем месецов нарачувам Amaizing Spiderman Civil War од СЦЕНАРИСТОТ Straczynski

@Мешков:
@сите останати: Јас сеуште останувам Најубав! А се борам и за повисоко место на пласирање и за Најќељав....

Абе луѓе, што се занимавате со лектура на изданијава, ќе си ги изгубите нервите... Кога ќе ми текне само дека Ацо наш ме убедуваше дека името Margot, требало да се преведе во Маргот, а не Марго, пошто хрватите така го преведувале... Ај не се заебавајте, не знаете со кого си имате работа, он е сезнајкото на веков, тој знае се и се разбира во се.