38-МА СВЕТСКА ГАЛЕРИЈА НА КАРИКАТУРИ!
Вечерва во Галеријата “Остен”, спроти Матица на Иселениците, во 20 ч. ќе биде отворена 38-мата Светска галерија на карикатури и ќе биде доделена годинешната Гран-При награда за животно дело, која ја добива Дарко Марковиќ. Наградата се состои од бронзена скулптура и 5.000 долари.
Меѓународното жири, чиј претседател беше Мидхат Ајановиќ – Ајан, професор по визуелни комуникации од Гетеборг (Шведска), ќе ги додели и следните награди: за сатиричен цртеж – Душан Лудвиг (Србија), за стрип – Афсун Азими Модхадам (Иран), и за карикатура – Божо Стефановиќ (Босна и Херцеговина). Наградените добиваат по 1.000 долари. Ќе бидат доделени и повеќе специјални признанија. Годинава учествуваат околу 350 уметници со 750 карикатури од 51 држава од светот.
14.10.2010