Денеска во 19.00 часот во фоајето на Кинотеката на Македонија ќе биде отворена изложба на филмски плакати од студентите на Факултетот за арт и дизајн при Европскиот универзитет – Република Македонија. Изложбата е дел од традиционалната соработка на Скопскиот филмски фестивал и Факултетот за арт и дизајн и е дел од официјалната програма на фестивалот. Оваа година насловот на изложбата е „Паника?!“ и симболично се врзува со бројот 13, односно тринаесеттото издание на Скопскиот филмски фестивал, при што ќе бидат изложени филмски плакати од хорор жанрот. Изложбата ќе трае до 28-ми овој месец. Учесниците на изложбата се студенти на втора година од насоката графички дизајн при Факултетот за арт и дизајн, по предметот Дизајн на плакат и амбалажа.
