Иако имав читано нешто малку од овој стрип јунак, никогаш му се немав посветено целосно како на X-Men или на Batman. За среќа деновиве тоа се смени, и можам да кажам дека корегирав една од најголемите сопствени грешки кога се во прашање стриповите. "Usagi Yojimbo" e авторскиот стрип на Stan Sakai, кој ја раскажува сагата за ронинот самураj Miyamoto Usagi, сместена во почетокот на 17ти век, во феудална Јапонија, во периодот во кој Шогунот ја унифицирал државата и со цврста рака ги држел малите кнежества заедно. Тука доаѓа најсимпатичниот аспект на приказната, односно фактот што сите ликови во стрипот се животни. Верверички, змии, мачки, носорози, а самиот Usagi е зајак. Дури и неговото име во буквален превод значи Зајак-Телохранител.
"Usagi Yojimbo" својата премиера ја доживува како ревијален краток стрип во едицијата "Albedo Anthropomorphics" односно подоцна во едицијата "Criters". Тоа се случува во 1984та, истата година кога Kevin Eastman и Peter Laird на голема врата доживуваат успех со огромниот независен стрип-хит "Teenage Mutant Ninja Turtles". Приказната на 10 страни "The Gobilin of Adachigahara" е високо оценета и од критиката и од публиката. Карактеристичниот цртеж на Sakai, црно-белиот формат и преубавото, живописно прикажување на феудална Јапонија е хит кај читателите. После само неколку кратки приказни, Sakai склучува договор со издавачката куќа "Fantagraphics Books" и Usagi добива свој сопствен серијал. По 38 броја Sakai (инаку целосен сопственик на брендот), се сели кај своите пријатели Eastman и Laird во "Mirage Comics" каде Usagi го добива својот втор серијал од 16 броја. Во овој период доживува неколку crossover стрипа со UsagiNinja Turtles или поточно со желката чиј карактер најмногу одговара на оној на Usagi, Leonardo. Со опаѓањето на популарноста на "TMNT" а со тоа и на црно белиот независен стрип, "Mirage" губи интерес во публикување на понатаму па "Usagi"Sakai се сели повторно во алтернативна издавачка куќа, овој пат една која е во подем - "Dark Horse". Соработката е плодна и "Usagi Yojimbo" останува дел на семејството стрипови на "Dark Horse" се до денес, и е рамо до рамо во продажба со "Hellboy" и "Star Wars". Неговите авантури се реиздадени во колекционерски книги (досега 20ина на број).



За оние кои сакаат да знаат нешто малку за стрипот но доволно за да не им биде расипано задоволството ако решат да го читаат, еве мое кратко интро по прочитани 6 тома. Miyamoto Usagi е самурај-ронин, бивш заштитник на загинат господар, сега принуден да талка низ земјата и да заработува за да преживее. На своите патувања тој се среќава со разни интересни ликови како што е ронинот ловец на уцени Gen, младиот лорд Noriyuki и убавата самурајка Tomoe Ame. Низ авантурите на Usagi, Sakai всушност на одличен начин ни прикажува голем дел од јапонскиот фолклор, нивните традиции, обичаи, верувања, па дури оживува и многу суштества карактеристични за тој дел од светот. Како син на кметот во своето село, Usagi, заминува да биде ученик и заштитник на кодот на bushido-то под големиот мајстор Katsuchi, кој бунтувал против осумте стила на борба и создал свој стил. Свесен за своите должности Usagi ја одбира честа пред своите лични задоволства и пред оние кои му значат во животот. Една од тие личности е и неговата сакана од детството Mariko, која е сега мажена со Kenichi, некогашен другар на Usagi а сега негов ривал. Иако целата приказна на почетокот делува едноставна па дури и наивна, како расте бројот на изданијата така се продлабочува и содржината, минатото на ликовите, како главните така и епизодните, а се развива и долга приказна која е во позадината и која раскажува за желбата за доминација на лордот Hikiji и неговиоте бројни платеници во нинџа клановите.

"Usagi Yojimbo" е моја апсолутна препорака за секој кој се смета себе за љубител на стрипот. Ова е веројатно еден од најквалитетните производи на американскиот пазар во моментов.

Odlicno napisano...ama sepak Gru poke go sakam

bogami me zainteresira i odlicno napisano.
da zavrsam so momentalnata opsesija DD i MM (flashback od detstvoto malku) i kje go pobaram stripcevo


dali go imas citano "the way of the rat" ?
nezavrsena prikazna ama mnogu dobro stripce.
dokaz deka na americkiot pazar moze i odlicen proizvod da pomine nezabelezan i da propadne finansiski, i pokraj odlicen art i odlicno scenario...
go spomnuvam deka i tuka ima nekoi slicni momenti - amerikanski strip koj se slucuva vo japonija, upotreba na mitologija i tradicija vo prikaznata itn...

vaa e

Ја имам јас 2 книга мислам....очекував поќе....интересно во секој случај,посебно за заинтересирани во бушидо и то митологија......со животни

закочив на третата книга од хрватските и никако да дојдат на ред следните
ама кај да е ќе си дојдат и они
супер е јоџимбо!

до третата книга знаев дека сум фан, ама четвртата е
феноменално изградени ликови во заплет кој е речиси класичен ама едноставно е неодолив. уште еден вид на зен иако бади-каунтот не сугерира така
петката стрпливо чека, а ја сум нестрплив да ги набавам 6 и 7 книга. штета што букглоб застана на толку

go pocnav stripov i ne mi legna nekako.
potocno, crtezot ne mi odgovara na temata, mnogu se simpaticni zivotnite nacrtani, a temata e seriozna. kje vidam nekogas ponatamu kje mu dadam uste edna sansa, sega za sega go ostavam na strana..

мора да му дадеш уште една шанса! ако добро сум прочитал негде, ти си цртач (или сценарист) и не би требало да ти промакне комплетното доловување на прикажаните ликови и изборот на животните. од класика избор: лав, змија, мачка, ласица, до поневообичаени: зајак, јарец, носорог, свиња, панда, и секако само маста Хикији е прикажан како човек (неслучајно, верувам како ултимејт зло ) А и емоциите на секој лик се уште подобро прикажани од самиот избор на животно.
мој совет: провери повторно

da definitivno kje mu dadam uste edna sansa, bidejki posebno koga gi gledam, i crtezot mi se dopagja, a i prikaznata izgleda interesno, onaka klasicna za japon vo toa vreme... ama najdobra taktika za toa mi e da ostavam da pomine vreme pa da mu se navratam naknadno.
inaku sum scenarist i reziser po profesija

Зец Самурај
Го памтам зајчево од ТМНТ-ми се виде како интересен лик.А плус,обожавам кога ликовите се животни.
Ако може линк од Vol.1

Ауууууууууу,Ориент Експрес!!
Фала многу