IV Отворен Повик за Илустрации на тема ФАНТАСТИКА, МИТОВИ И ЛЕГЕНДИ
Чест ни е и големо задоволство да го објавиме ЧЕТВРТИОТ ПОВИК ЗА ИЛУСТРАЦИИ на тема
ФАНТАСТИКА – НАУЧНА ФАНТАСТИКА – МИТОВИ И ЛЕГЕНДИ
FANTASY ART, SCIENCE FICTION, MYTHS & LEGENDS!
Овој пат, изложбата е дел од културното лето БИТ ФЕСТ ’14, каде што како настан е обележана под скратеното име „Изложба на фантастика, митови и легенди“.
На дадената тема еден автор можи да испрати едно или повеќе дела со минимум А4 / 300дпи или со поголеми димензи на е-пошта:
contact@ymcabitola.org.mk
ПОВИКОТ Е ОТВОРЕН ЗА СИТЕ ЖИТЕЛИ НА РЕПУБЛИКА МАКЕДОНИЈА И СИТЕ ШТО ПО ПОТЕКЛО СЕ МАКЕДОНЦИ или кои што заради различни причини се чувствуваат како македонци. Стилот на работа е слободен. Доколку немате електронска копија од вашето дело, Ви препорачуваме да направите и таа електронска копија да ја испратите на горенаведената е-пошта. Доколку има повеќе пристигнати дела од колку што дозволува просторот за изложување, предност во изборот ќе имат дела кои не биле претходно објавувани.
Краен рок за испраќање е 2-ри Август 2014 (паѓа во петок, по 3 недели од денес).
Оваа изложба е организирана од младинската асоцијација ИМКА Битола а поддржана е од Општина Битола.
Скромно, со оваа изложба ИМКА Битола се обидува да го промовира цртањето и илустрациите како вид на уметничко изразување за кое верува дека Македонија е плодно тло, кое давало и сеуште дава многу талентирани автори. Истовремено, со оваа изложба ја збогатува и понудата на културни настани на БИТ ФЕСТ, едно од попрепознатливите вакви случувања во државава.
Дополнителни информации за локацијата, како и официјалниот постер за настанот ќе ги објавиме набргу! Ако имате било какви прашања, прашувајте тука или на горенаведената е-пошта.
Ве очекуваме!
Повеќе информации ТУКА!
ФАНТАСТИКА – НАУЧНА ФАНТАСТИКА – МИТОВИ И ЛЕГЕНДИ